سامح الله إحتياجي كثر ما يوجع غلاك
وسمح الله كل دربٍ ما وصلك بخطوتي
في أمان اللي ينسي حتى والذكرى معاك
في أمان الله وأسكت قاطعتني غصتي

أخذتني بإحساس طيب رحت تاركني هلاك
لا ملامح لا جوارح لا رفيق بوحدتي
كنت أحسك يوم تقفي كنها بصدري خطاك
كل خطوه في أثرها كنت تترك طعنتي

قمت أتذكر جروحك علني أقسى قساك
ما دريت إني أبلهى فيك وأنسى قسوتي
من يسلفني جناحٍ ما رقى عالي سماك
ومن يسلفني كلامٍ ما شرح لك حسرتي

قلت بأعلى صوت عندي صاحبي مالله هداك
وقبل ما أنطق كلامي أسكنك بدمعتي
خفت لا يقسى شعوري وكامل إحساسي بغاك
وخفت لا يضعف شعوري قبل ما أعلن قسوتي

يا فراقك ما قويتك كبريائي اللي قواك
كل ما عزمت أبرجع إستضاقت دنيتي
يوم راح القلب عندك عاد لي بس ما حكاك
قال لي مريت جنبه بس توجع كسرتي