لمحته وارتعش قلبي
وضاعت مني أنفاسي
عيوني ما هي عيوني
عمتها قوة إحساسي

أصد ومشهده باقي

من اللي وقف الصورة
وخلاها على طيفه
من اللي سلمه روحي
يحركها على كيفه

من اللي وقض أشواقي
أصد ومشهده باقي

هو اللي وحده بعيني
أشوفه بينهم كامل
هو اللي ما أبي غيره
ولا ني مجبر أجامل

هو اللي يلمس أعماقي
أصد ومشهده باقي

أنا آخر أمل عندي
مثل ما جابته صدفة
تكمل خيرها فيني
وقلبي يكتمل نصفه

عسى ما ينوي فراقي
أصد ومشهده باقي