بعون الله وتوفيقه أنا محبوب محبوبي
أنا اللي فيني ما يسمع وأنا اللي فيني يتباهى
بعون الله وتوفيقه أنا من يعشق أسلوبي
أنا عطره وأنفاسه أنا عينه أنا ماها

بعون الله وتوفيقه تحقق فيه مطلوبي
نسيت أحزاني في قربه أجل وشلون منساها
محد بالكون ذا كامل وخلي راضي بعيوبي
إذا بموت من حبه معاه الموته محلاها

لها إحساسي لها إخلاصي له شروقي له غروبي
له الخافق ونبضاته وروحي كان يبغاها
عرفت إن الحياة أجمل وأنا أجمل بها دوني
سعادة مالها آخر بحبه دايم ألقاها