وينك الليلة بصدري اسألوا عنك ضيوفك
الجروح وكل طعنه الهقاوي وخيبتك
وينك الليلة بقلبي اسمعك بس ما أشوفك
كنت أحارب بك ظنوني إنهزمت وفازتك

الطريق اللي خذيته غصب من شدة ظروفك
كان وافي الدرب لكن ما وفت به خطوتك
يعني ما أقفيت مجبر يعني ما مالت أكتوفك
يعني إنك صدق لاهي واللي جابك حاجتك
كنت أداري جرح قلبك كانت حروفي حروفك
كنت اجي احضن شعورك كنّ صوتي نبرتك

كم نظرت بعين قلبي كم حفظ قلبي ضيوفك
إنت متخيل باني صرت شبه مرايتك
ياللي كنت بشوف عيني كيف ما عادت تخوفك
ياللي كنت بيوم تسوي كيف طاحت قيمتك
واهب عمري لعمرك جعل خوفي قبل خوفك
كنت احب بصدق لكن بينت لي كذبتك

مابي رد الجمايل واعتبر مني وقفك
هو زكاة القلب يمكن فيه أكفر غلطتك