أقبلي مثل السعادة مثل ضحكات الكلام
مثل ضي النور لا من سابق الدنيا وظهر
إنتي يا كل الشعور وأجمل الدنيا غرام
جوهرتنا ونور عين اللي يحبك من عمر

عانقي أصدق مشاعر من غلا قدر ومقام
ليلتك لأجمل وفرحك معه يا حلو السهر
إنتي يا أجمل حياة وعشق وأقدار وهيام
طلي بالأبيض تعالي خطوة قدومك شعر

يالعروس اللي بهاها يجلي الدينا الظلام
مشرق الحسن المكمل من حلا زين وطهر
جوهرة كل الكواكب جوهرة بدر التمام
يكتمل لجلك قمرنا لوه مو نصف الشهر

إنتي تاج الحسن حسنك ما يكفيك الكلام
لك مع فيصل شعور وأجمل أقدار القدر
ألمسي الليل بيمينك تضوي من يدك الغمام
يالعروس اللي من أجلك أشرق الصبح وظهر