إنت كلي إنت مني إنت فيني
حس حبّك وسط قلبي وأسمعه
إنت حاضر قد محى ماضي سنيني
يا الحقيقي في زمان الأقنعة

قبل أشوفك كان قلبي في يديني
كنت أقدر عن غرامك أمنعه
وبعد شوفك راح قلبي يرتجيني
قال تكفى لأجل نحيا نتبعه

إنت بيني من يجي بينك وبيني
إنت أنا وإنت اللي ألقاني معه
إنت تكبر في ظلوعي من حنيني
إنت عمرٍ ما أمله وأشبعه

إنت أجمل ما رأيت بأم عيني
يا اللي أبحر وسط عينك بأشرعه
إنت وحدك بين كل اللي يبيني
فصل يجمع لي الفصول الأربعة