ألف آسف لو ضعفت وجيت عندك أشتكيك
بس مالي غيرك إنته أشتكي له من هواك
سو حالك لي حيادي ولا تبديني عليك
وأنا بحكي بك وأعذرب وأنصف اللي لك شكاك

أفقدك وإنته معاي وأكذب إني ما أبيك
وأبتعد عنك وأكابر وأتمسك في رضاك
كني اللي في غرامك حط هالدنيا بيديك
وفجأة خاف في يوم يصحى وما يلاقيها بلاك

يوم حبي لك طفولي ويوم عاقل يحتويك
ويوم أكتم هالمشاعر ويوم أوصفك لسواك
لا كلامي هو كلامي ولا شعوري فيك فيك
يعني هالعالم دروبي وإنته ما تدري بغلاك

من كثر ما شفت إنك داخلي مالك شريك
حتى في ظلمك أجي لك واقفه ضدي معاك
كل مرة قلت أحبك أترك إحساسي وأجيك
وأعترف إن هذا أصغر من شعوري في هواك