زعلت إني كسرت بخاطرك أدري
شسوي يا حبيبي غصب عني كان
أنا من شفتهم حولك قضى صبري
وعجزت إني أخبي بداخلي بركان

أغار وغيرتي دايم وأظن تدري
مثل ما شوقي يلعب بي كثير أحيان
فلا تعتب على قلبي ولي عذري
لأني في النهاية عاشق ولهان

إذا ما للعذر حجه فأنا خبري
حبيبي يدمح الزلة لأي إنسان
فما بالك وأنا جيتك أنا بكبري
حبيبك ماضي وبكره حبيب الآن

كثير من الدفا شوفه على صدري
كثير من الحنان اللي عليك يبان
أنا آسف كسرت بخاطرك أدري
وأنا آسف على كل ما جرى وما كان