تهددني بتتركني سرينا ما لنا قعده
تأخر وقتنا مره وقلبي هز فنجاله
فلا عمري بيسمح لي أضيع ثانيه وحده
ولا نفسي بتسمح لي أعيش وحالتي حاله

أنا ماني هذاك اللي لجل ما يخلف بوعده
يعيش بكذبته ميت ولو هو ميت أشوى له
ولا اللي زيف إحساسه ويفرق رايهم عنده
ولا اللي حاجته يبني عليها ردة أفعاله

أنا اللي لا حكى يحكي ولو ما ينفهم قصده
أنا اللي ما يبي حتى يعرف أسماء عذاله
أنا اللي عايش اللحظة ما هو باكر ولا بعده
أنا اللي ناسي الماضي ولا يطري على باله