أسابق طلعتك يا النور قبل لا توصل عيونه
قبل تغفى صباح الخير على كتفه ويستأذن

ألا عل وعسى يمكن قبل لا تغمض جفونه
أكون آخر أحد شافه وأجي في حلمه لو أمكن

وأسامر طرفه الناعس وأقول الغالي وشلونه
يجاوبني كسل حرفه بخير أبشرك شكرا

قليل في حق خلي لو أبيع الدنيا من دونه
لأنه ما بخل في يوم على قلبي ولا قد من

وإلى منه صحى بكره تلون دنيتي بلونه
يزين كل شي كان في عيني ما هو متزين

تهليبه مساء الخير لأنه فارق بكونه
ويتبسم حبيبي لين خجل وجناته يبين