طول غيابه وكن الدار مجفيه
وأظلم نهاري سبايب كثرة غيابه

ثارت جروح في قلبي حيل مخفيه
والحزن مبسوط ولي مشرع بابه

يا هم كنك قلبت الوضع رديه
والضيق في داخلي مثبت أطنابه

قرصني وقتي مثل ما تقرص الحيه
وحظي يا كافي أشوفه مكشرً نابه

يا صاح لد النظر يم عيني شويه
أرحم خفوقً يعدك أصدق أحبابه

في ذمتي إني معك مصفي النية
أظن ما يجهلك وطبعي أدرابه

يا صويحبي طالبك تعجل الجية
وتفرح قليبي اللي صرت عرابه

أنا أحبك و روحي فيك مبليه
إنت الحبيب اللي دايم أحسب حسابه