يا نسيم هب جدواكم
أسهر عيوني بطاريكم
ما سخيت أنا بفرقاكم
فرحتي ساعة ألاقيكم

تبتهج نفسي برؤياكم
من مزايا تلتقي فيكم
مثل ما تهوون نهواكم
يعل تتحقق مناويكم

يا عجيد ريوم ندراكم
يعل رب العرش يحميكم
كل ما حاولت أبنساكم
عادت الذكرى تناجيكم

بحشا ونهود وفاكم
فايقة عن لي شراويكم
ميزة في أسلوب معناكم
والملاحة ضافية فيكم

ما وجدت إنسان شرواكم
فاضل بضافي معانيكم
تطمعون اللي بينصاكم
بالجمال ومن مواريكم

ليت ما هالشح هوياكم
تلهفون اللي بيعنيكم
ما تبده غير رؤياكم
لو حريص إنه يوافيكم