الصلاة على حماه
طه محمد سيد الخلايق

يا هنانا الليلة باللي
حسنها فاق الحسن
وأقبلي ساره وطلي
مشيتك شعر ولحن
أحظري فينا وخلي
كل خطوه لك مزن
وكل فرحه بك تهلي
وكل قلبٍ لك وطن

نحكي عن زاهي جمالك ولا عن زاهي حلاك
ولا عن هيبه حضورك في جديلك يالليالي
روحت كل الكواكب ترتجي ساره لقاك
وإنتي فوق الغيم غيمه أعبريها ولا تبالي

أقبلي وإنتي يا ساره في بياضك في مداك
شمسنا خطوات فيك و منزلك عالي و عالي
مبسمك شهد ولولو ومنزلك كوكب هناك
والقصايد تنتثر لك بالمدى عقد يلالي

ساره ومن غير ساره القمر يحضن مساك
ساره ومن غير ساره الحسن شي محالي
ساره ومن غير ساره في جمالك مبتداك
ومنتهى كل المدايح مقبله أول و تالي

تجتمع حولك عيون سمت برب عطاك
للحسن و الزين ساره مالها عندك مثالي
ساره طاب الفرح عندك وما هنا غالي سواك
واخطي الخطوه تبختر وانزلي منزال عالي

هذا عبدالله وجالك من عرفك و من راك
قال بانك حب عمره و غير ساره ما هنا لي
بين قلبك شاف فرحه و تارك كله و جاك
يرتكي في خافق لك دون ما يطرح سوالي

يا عسى هالسعد دايم و ليلتك تزهى بضياك
والعمر مقبل لفرحه قال معك يطيب فالي
غطري يا نجد و اضوي دام ساره في مداك
و الدعاوي في رجاها الفرح كل الليالي