لا أكتب على غصون الشجر والرمل والأوراق لك
يا من خذاك الوقت فجأه من عيوني وأبعدك
شفت البحر وش قد أنا قد البحر مشتاق لك
حتى الخطوط اللي فيدي ذبلت من الشوق ليدك

لي خاطر ما يستريح إلا معك وإن ضاق لك
يا أعز إسمٍ فز لك قلبي وصوتي رددك
يا ليتني كل الكلام اللي سمعت وراق لك
وأوقاتك اللي تنتظر ودروبك اللي تقصدك

ما أنساك أنا بظل أحبك والوله ينساق لك
عيشتني أيام ما تنسى عسى الله يسعدك
كل ما ذكرتك أبتسم شكراً من الأعماق لك
على الحياه اللي لياليها على حطة يدك