شاكر كل اللي نياته سليمة
ذاكر كل اللي مهديني فوايد
لاغي كل القناعات القديمة
بادي كل القناعات الجدايد

عارف كل اللي له قدر وقيمة
حافظ كل النوادر والفرايد
ناسي سود الليالي والظليمة
قاوي ضد المقابيل الشدايد

حاشم للي يعاملني بحشيمة
شاري للي تمسك بالعوايد
بايع للي خلى من كل شيمة
قاضب منهو في ضيقاتي سنايد

ناصب في عالي المرقاب خيمة
فارش بيض السحايب لي وسايد
جامع حولي حوالي ألف غيمة
ناوي تمطر من حروفي شرايد