يا سيدة كل البنات الله عليك
ملامحك جمر وسواليفك خمر
كانك تبيني والله إني أموت فيك
وأحرق قلوب الغيد من بيض وسمر

يا ألذ وأطعم شي كم لي أحتريك
محتاج أذوق شوي من طلعك ثمر
أشبعت ذوقي لين كلي قال أبيك
وأخاف أموت من التغلي وأندمر

إن كان ودك وإلا قل يا أخي ما أبيك
وأبشر وتم وسم وتآمر أمر
لا تحسب إني بزعجك الله يهديك
أنا رجل أثقل وأحر من الجمر

إن رحت لا عاد تنتظر مني أجيك
وإن جيت لك مثل السحاب إليا أنهمر
روحي تبي روحك وقلبي محتويك
وفداك يا كل العمر كل العمر