أول أقول الموت فيني ولا فيك
واليوم جعل الموت ياخذ حياتك
دامك تبيع إنسان بالكون شاريك
موتك ولا توهم لغيري صفاتك

فيني مشاعر كل منساك تطريك
تلعن وفاها يوم لاقت رداتك
وقف دقايق وأذكر اللي يواسيك
جفف دموعك قبل توصل شفاتك

تذكر تجيني تبكي الظلم و أبكيك
وأشيل جرحك أجبرتني غلاتك
وإن غبت عني كل مابي يناديك
حطمت حلمي ورحت البي امنياتك

أدري الجمال و سود الاهداب كاسيك
لكن حسافه عكس وصفك خفاتك
خذيت مني كل مابي وأنا اعطيك
آمر تدلل قبل تنطق شفاتك

وإن جيتني مهموم ظاق الزمن فيك
أخذك من يدك أغير حياتك
ياما ترجيتك و دمع عيني يحاكيك
طاوعت نفسك و كلمتي اليوم جاتك

مابيك أنا بدنياي والله مابيك
رح يا عساك بجرح ينزف شقاتك
وأول أقول الموت فيني ولا فيك
واليوم فرحي ينولد في وفاتك