اللي ياما فيني جرح
وكنت لطباعه رهينة
جاء بيحكي لي ويشرح
جاء بيبدي لي حنينه

مهما فسر مهما وضح
كل تفصيله تدينه
غلطته لا يمكن أدمح
لو هي الفرقا لعينة

البلا كل ما بي يفضح
شوقي لطلعة جبينه
إن بدا لي منه ملمح
طاح قلبي في يمينه

وكل خافي فيني صرح
فاقدينه فاقدينه
وأنا وجروحي بنسمح
عاذرينه عاذرينه

كيف ما أرضى وأصفح
كانها عيونه حزينة
إن بكى وشلون ما أمسح
دمعته وأبوس عينه

إن خسرته ما لي مربح
سقم حالي من يعينه
هو حبيبي مهما يجرح
يسلم وتسلم يدينه