تبي مني عيوني بس طلبك الله يا صغره
تدلل لا يردك شي أنا حاضر وتآمرني
حسبت إنك بتطلبني شي ما لي به قدره
أثاري مطلبك عيني تفضل لا تشاورني

أنا من كثر ما فيني غلا لك بالش بكبره
بديت أخاف أنا أقبل بغيري بك يشاركني
عسى حبي وحبك بس يطول ربي بعمره
كثير اللي مزعلهم عساك تكون فاهمني

مدامك حافظ قدري مدامي صاين العشره
أبحيالك سنين العمر أحبك لين آخرني
أنا بعدك حبيبي بس عرفت أحب ما أكره
أنا بعدك عرفت إني بدونك شي ما يعني

حبيبي لو بتسمح لي أبي حاجه ولا تشره
أبي شي على بالي ولا ظنك تعاتبني
أبي وأكبر أبي مرات على العشاق بالمره
أبيك العاشق اللي لو بغيته ما خلف ظني

أبيك أوله من عيوني إذا ساقتك النظرة
أبيك أطيب من ظنوني وأبيك شوي وأكثرني
أبي منك تجاملني وأنا راضي على فكره
أبيك لآخر الدنيا معاي وما تفارقني

أبي قلبك على خبري مثل ما إني على خبره
كثير اللي أبي وآخر أبي يا عمري تعذرني
أبيك تقول يا عمري طلبك الله يا صغره
وأنا بقول يا ربي عسى منك لا يحرمني