العزايم كل ما جت عالية بعد الهزايم
وإنت يا بن آدم نشيط وفيك حيل تدفها
والله إنه يطلع أحلى بعدها كسب الغنايم
المهم اعزم وكافح والنوايا صفها

وإن سعيت وجيت خالي لا تقول الحظ نايم
إنت ريح والمشاكل حطها في رفها
ونام لا في خاطرك غيرة ولا حقد وتهايم
وأوعدك تصحى ونفسك طايرة من خفها

وإن بغيت تعيش رايق مستريح البال دايم
عن مناقيد البشر والذم نفسك عفها
ولا تضيع وقت في كثر الطلايب والظلايم
والمتاح من الفرص غيرك يجي ويضفها

إنت بإمكانك تغيب وما يلومك أي لايم
بس لك عادة أعرفك مستحيل تكفها
غير فوزك بالعظايم ما ينسيك الهزايم
وكل ما هدت عزيمتك القوية دفها