غريب صادق وافي وحيل كذاب
ما أدري أنا بأيت دروب أتجه لك
بخيل معطي مخطي وحيل عتاب
لا جافي طبعك ولا زاد وصلك

البايع الشاري جحودٍ وطلاب
يشكيك قلبٍ ماحد فيه قبلك

إن جيت في دروب الحكي شفتك أحباب
وأعطيك كلي وإنته ما قلت وش لك
شف كفي اللي جرحه عضة الناب
شف دمعةٍ من خوفها صوته لك

ولو قلت أبخفي شفت في عيون الأصحاب
إنته الحبيب وكل شيٍ شهد لك

في حجر عينك صادق الشوق ما غاب
تخفيه ليه وفرحتي سامرة لك
ما غاب فيك الحب لا لا ولا تاب
أدري أنا اللي في خفوقك ونجلك

حنا الحبايب وأدري الشوق ما شاب
ما فيه مثلي وإنته ما فيه مثلك