تخيل لو تزاعلنا تكون إنت علي غلطان
أحس ان الخطأ مني وأجيك اسابق اعذاري
أنا قبلك ظمى روحي ظمى للحب للوجدان
وجيت إنت وسكنت القلب وصرت بكل أفكاري

حبيبي وكل ليل راح كل شئٍ مضى لي وكان
نسيته وتحسب الأعمار يوم جت بك أقداري
لك الله كنت أظنك حلم ما قد مر بالحسبان
أقابلك وتقابلني تشوفك واقع أنظاري

أنا ودي أصيح أسمك وأقول إنك لنا برهان
ان اللي ملكه الحب عادي بضعفه يماري
أنا لو ما دريت الحب في عيوني مداه يبان
يشوفونك بلفتاتي إبتساماتي وأنا داري

تصدق لا طروا أسمك تاخذني وأنا هيمان
وأشوف الدرب لعيونك وابدأ فيك مشواري
أنا لوني بها اللحظة يقابلني غريب إنسان
بضمه وأحسبه إنته وهذا بس على الطاري