عن كل حاجه جاتني منك مشكور
وعن كل لحظه جرح كفت ووفت
معذور لا والله أبد منت معذور
بيديك كانت راحتي لين قفت

لنت اللي تاركني ولا عايش الدور
ولنت اللي شايف ضيقتي اللي تخفت
خالي مكانك ما به أحباب وشعور
أسمع بقايا صوتهم وأتلفت

أذكرك وأذكر عبره أتلف وتدور
أشوفها دارت ودارت ولفت
ما عاد إسمك داخل القلب محفور
شكراً قدرت ودمعة الشوق جفت

ما عاد لي خاطر ولا قلب مكسور
إرتحت صدقني وعيوني تشفت
وإذا تظن إني أبي شي مشكور
طيب وضيقة خاطري منك خفت