لا تخاف من الزمان، الزمان ما له أمان
خف من اللي كل أمانك في إيديه وتامنه

لو حبيبك ما وفالك و حبيبك فيك خان
إيش ترجي من زمانك لنتيجة باينة

نكتشف مر الحقيقة بعد ما يفوت الأوان
قلت لك لا تندفع له قلت حبّي صاينه

وين هاللي صان حبّك ما أشوفه يوم بان
قلبك اللي هو قلبك لا تحسبك ضامنه

لا تتعذر بإحتياجك كلنا ناقص حنان
كلنا طفل يتمنى أي شخص يحضنه

نبني الدنيا وإحنا نوقف بنفس المكان
للأسف ينقص وفانا مع مرور الأزمنة