لو تبي تعرف شعوري مابي تسألني أبيك
توصل لهذي الإجابة دون ما احكي و ادعي

اسمع بصدري شعوري والمس القلب بيديك
لأني اسمع صوت قلبي واضح في مسمعي

ماني موجود بحياتك لأنني مجبر عليك
أنا جيتك باقتناعي واحتياجي لك معي

تارك الدنيا عشانك لأني لما أجيك
أترك أفكاري واجي لك أحضر بليّا وعي

أنا طمعان بوصالك مانيب طمعان فيك
لأني أرتاح بوجودك وارتياحي مطمعي

مابي لعمري مكمل أنا محتاج لشريك
مثل تاج فوق راسي مهو خاتم بإصبعي