توك تحس بقيمة الشوق، بدري!
وينك من أول يوم منك احتريته
قلبي رجع من فضل ربي بصدري
واللي مضى بيني وبينك نسيته

قدري وأعرفه وين قدرك وقدري
ياللي عليك كثير كل ما عطيته
ماني بحاجة عذر منك بعذري
أنهيت حلم في خيالي بديته

مكفيك أنا والله خيري وشري
والمشكلة ما سلمت مما كفيته
كل الكلام اللي حكيته بظهري
عكس الكلام اللي بوجهي حكيته

تخطي وتجيني تقول يا بعد عمري
والله ما أقصد هالخطا اللي خطيته
بس آخرتها عاد تدري وأنا أدري
أبلحق الكذاب لي باب بيته