على قد الحنين اللي طغى ما أقدر أتكلم
ترك لي جرح ما يبرى وأخاف يزيد قدامه
أحبه حب خلاني على كل ذكرى أتألم
وأنا رغم الألم للحين أحبه وأعشق أيامه

أنا خايف من الصدفة إذا واجهته وسلم
وأنا خايف من غيابه وطول الليل ما انامه
أحاكي صورته عنه لأنه الأصل أظلم
لأني لا تذكرته يخف الجرح وآلامه

تمر أيام من غيره وماني قادر اتأقلم
كأنه القلب مفتاحه وقفله بصمة إبهامه
أبي أنسى وأحس قلبي معاه بالذات أستسلم
وحتى لو نسيت الكل ما انساها أيامه