صحيتني من نومي وفز قلبي
لما سمعت الصوت بأذني وقلبي
ما غاضني مني ترى غير قلبي
صاير ينافسني عليك وعصاني

وحشتني إنت ووحشني كلامك
ما نافسك بإحساسي إلا كلامك
آسف أبسكت وإنت كمل كلامك
عساك مشتاق لهواي وحناني

وش سهرك وإلا جفى النوم عينك
مجنون نومٍ ما يبي ضم عينك
عسى طيوفي نالت وصال عينك
وعسى لعينك ما يجي طيف ثاني

أبسألك كانك تحس بشعوري
يا خوفي إنه مو طبيعي شعوري
أنا لنفسي كلي إلا شعوري
وش غير قلبي من عرفتك نساني

صحيتني من نومي وفز قلبي
لما سمعت الصوت بأذني وقلبي
ما غاضني مني ترى غير قلبي
صاير ينافسني عليك وعصاني