تسوي خير لو تبعد ولا ترجع تسوي خير
مثل ما اتغير إحساسك أنا بغير إحساسي

نعم صامل على الفرقة وهذه ما تبي تفكير
إش أخذنا منك غير الضيم والآلام يا قاسي

تعبنا كثير أنا وقلبي أنا وعيني سهرنا كثير
خسرنا كثير وأولهم هلي وأحبابي وناسي

عطيتك ما أبي منك لأني كنت أحسبك غير
لأنك جيتني في وقت كسرت بجيتك كياسي

أنا مو عادتي أخطي وخطاي أخطيت بالتقدير
هويتك عذب ما ظنيت يشيب بعشرتك راسي

أحبك لا هذاك أول وبنساك وأبدا بالتغيير
أنا مثل السما عالي أنا مثل الجبل راسي