عناد فيك الليلة والله لأصحيك
من عز نومك وأحلف إني أحبك
دامك تقول القلب ما عاد يغليك
أجل تحمل والله يعين قلبك

وشلون ما أحبك وأنا ميت فيك
من وين جبت إني مقصر في حبك
من كثر ما قلبي يودك وشاريك
لا أذنبت أنا أدعي ربي أشيل ذنبك

انت الهوى وأتنفسك كيف أخليك
الدنيا دنيا بس إذا كنت جنبك
كل نبضة في قلبي تدق وتناديك
وتشك في حبي ولا تخاف ربك

ياللي حياتي كلها ملك أياديك
عهد علي الليلة لازم أعذبك
وكل ما غفت عينك بحاول أصحيك
وأحلف لك إنك تاج راسي وأحبك