طلابتك واجد وأنا ماني بمنهم يا بعدي
أنا الذي يتوسل الستار يسترها عليك

بس إنت مدري وش بلاك تظن بي ظن ردي
رغم إني ظني لعنبو الشيطان دايم زين فيك

أرجوك يا سبة شقى قلبي تعجل بسعدي
وتسمع كلام متيم ما زال شراي ويبيك

ولا صار شوفك ما يرى غيرك من الناس أجودي
لا تحطها فالناس جعل الله يرحم والديك

شف رايتي بيضا ترفرف لك بليل سرمدي
عيشت نفسك فيه ومعيشني الله يهديك

وإلا إنت منت بعن سواد القلب ناوي تهتدي
لين تخسر كلش بعد ما كان كلش في يديك