يا نعمة النسيان يا رحمة الله
لولاك أنا عزاه وش كان سويت
لو أذكر اللي كان دقه وجله
ما كان ساعة في حياتي تهنيت

لولاي أسلي خاطر جاه عله
وأرتاح لين أرسلت بعض التناهيت
لا ضعت بالنسيان وقتي يدله
وليت يا وقت العنا كيف عييت

خل الفكر يرتاح في القلب خله
في غيمة النسيان يلقى بها بيت
أسج بعض الوقت ما هو بكله
وأعود كني ما عن الحال سجيت

وأشوف كلش ثابتٍ في محله
عن واقع الأيام ما كني أقفيت
هذا ضحى شمسي وهذاك ظله
والليل رعشة ساليات المواقيت