صعب لا منك فشلت وصعب لا منك لقيت
إن من يكره نجاحك يدري إنك ما نجحت

لو دريت إن زماني يجر رجلي ما عديت
ولو دريت إن البحور بلا مواني ما سبحت

كان حلمي في وجود إنسان يبكي لا بكيت
صار حلمي في وجود إنسان يفرح لا فرحت

كنت أشوف الناس مثلي كل ما جعت وضميت
ما دريت إن الأوادم ناس فوق وناس تحت

كان دربك لي طويل وكل ما شفتك هويت
قلت لك كبوه جواد وما كبيت إلا وجمحت

ليه تتركني وتمشي آه ليتك ما مشيت
آه ليتك من كثر عثرات الأيام انتصحت

خذني بحضنك أبي أغفى آه مبطي ما غفيت
وإن لمحت دموع عيني سوي نفسك ما لمحت

خذني بحضنك وبعثر في جروحي وإن قضيت
هز لي كتفي وقل لي عيب تبكي لو سمحت