اللي يحبك من فؤاده ويغليك
يبقا يحبك لين يوم القيامة
مهما حصل ما تختلف نظرته فيك
والوقت ما بدل حقيقة غرامه

إذا زعل منك بروحه يراضيك
ولو الخطأ منك بداك بسلامه
وإن ضاق صدرك بالحكايا يسليك
ويدور اللي يسعدك من كلامه

إن غبت دايم في غيابك يداريك
وإن جيت تلقى منه حب وكرامة
لا يستمع نمات ناسٍ حكوا فيك
ويعقب العاذل وراعي الملامة

هذاك محبوب بالعمر شاريك
دنياه تسوى من رضاك ابتسامة
لا تخسره دامه يحبك ويفديك
ترى العمر من دونه طوفه وندامة

الراي رايك والأمر بين أياديك
مبداه من عندك وعندك ختامه
إن جيت يالمحبوب ربي يحيك
وإن رحت يالمحبوب درب السلامة