خلك مع اللي فؤادك بالغلا هاجه
والنفس مع غيرنا بالحب فرجها
أفرح و خل الهوى تعلى بك إبراجه
وش ينبغى من حياه ضاع منهجها

يا كم حولك لطرق الغدر رواجه
وإنت حياتك تبا بالوهم روجها
لكن مثلي صعيب يحصل إدراجه
وش قصه لي تبا ذا اليوم تخرجها

ما عاد في من يخون العهد محتاجه
وإنت حياه التسلي لا تفارجها
عندك فنون الهوى سحره ومهراجه
وأنا لي الله رب الكون يفرجها

إتريد تصعد على جنحان ميراجه
من قاعده لك فؤادي حط مدرجها
تترك فضانا و نور الشمس وهاجه
وأنا أحسب إنك عيوني ما تفارجها

قوي طموحك و خوض البحر وامواجه
وخيول عزمك على مشهاتك اسرجها
وش عاد جوك إذا بيصفي إعجاجه
حبيبتك بالغلى والحب توجها