قلبت الطاولة بوجه الحزن وإبتسمت أيامي
تركت الدمع واللوعة نسيت الضيق وسنينه
أنا اليوم غير الأمس كفاية عبرتي نامي
شموع الحب بشعلها وأنادي للفرح وينه

أنا توبت من ذاك الطريق وتابت أقدامي
مشيت بدرب يفرق عنك قسى دربك وسكينه
بعد طعناتك بصدري قدرت أداوي آلامي
وقلبي نام متهني وبدونك إهتنت عينه

هلا بالصبح به يشرق أمل وتغني أحلامي
هلا بعمراً جديد أفراحي هي أبرز عناوينه
رسمت لخطوتي بسمات تلاشت معها أوهامي
وقلبك ما أقول إلا بعدي ربك يعينه

أنا لي قلب سامي والهوى في ذمتي سامي
حرام يموت أو تذبل في لحظة تلاوينه
قلبت الطاول وإبتسمت بوجه الشقى أيامي
أمد يديني للفجر الجديد يمد إيدينه