من بداية أحبك لين ميت عليك
شفني قدام عينك واصل لمرحله
ودي أخذني مني وأهدي نفسي إليك
غالي يرخص لغالي والعشم تقبله

بسألك جعلي فدوه وأفدي عينك هذيك
عينك اللي من الله دعج ومكحله
وش أسوي في قلبٍ ما يبيني يبيك
واللي جننه حبك وش هو بيعقله

الله يسعد جمالك لكن الله يهديك
صرت من عقب زينك كل زين أزهله
مالي عيني وأشوفك يا بعد مشتريك
دانةٍ ما أتساوم بالمحيط أكمله

من عرفتك وقلبي بين ضلعي ويديك
وكثر ما كنت أعرفه صرت فيك أجهله
هو في صدري وباله ما هو عندي عليك
آه مكبر جنونه وآه يا ما أجمله

شوف لك حل فيني موت أحبك وأبيك
حب حتى خيالك صعب يتخيله
من كثر ما أنت غالي مدري شسوي فيك
البعض من غلاته خاطرك تأكله

بسألك جعلي فدوه وأفدي عينك هذيك
عينك اللي من الله دعج ومكحله
وش أسوي في قلبٍ ما يبيني يبيك
واللي جننه حبك وش هو بيعقله