يالخفوق اللي أحبه حيل وأطمع في رضاته
رغم كل اللي حصل ما قلت يغريني بديلك
إن رسمتك عين قال الحب الله يا حلاته
وإن كتبتك شوق كل حرف من أعماقي يشيلك

قلت بنسى وعلميني بس ليلي كيف أباته
وقلتي أسلا وقلت مقدر آه يا صبرك وحيلك
وابتدأ ليل الفراق اللي خذا منك وصاته
وأنجبر قلبي قبل لا أقول أرجاك ودخيلك
محمد عبده

إنتهينا وكل واحد له طريق في حياته
أنطوت صفحة غرامي لك وبادرت برحيلك
خذ معك أبسط تفاصيلك وكل ما جاك هاته
جب مكاتيبي وإنت أغلى مكاتيبك تجي لك
حسين الجسمي

ما بقى باقي بقصة عشق أعلنا وفاته
من صباح الأمنيات إلين زلاتك وليلك
إبتديت الشوق بعيونك ورمشك وإلتفاته
غلطة الشاطر بألف وغلطتي ضعت بسبيلك

ما حفظت أيام عشرتنا عن لسان الشماته
والا أنا حافظك حفظ دموع عيني لا تسيلك
وش تبي أكثر من إن العمر في وده وهاته
سقت لك عمر قلوب الغير تحسدك بحصيلك
راشد الماجد

غير قلبك ما تجرأ قلب سوا بي سواته
يا أول طعون الغرام أموت ما أجي لك دخيلك
حدني يمك غلا مدري وله مدري شراته
خافق طامع بكسبك لين ما عود قتيلك
محمد عبده

إتركي باقي جروح هزها الوقت بجراته
ما عرف هالحب قدري يوم قرر ينتحي لك
قلبي اللي حبك وصانك إلى حد إستماته
يرتوي طعم الهماج ولا يقرب سلسبيلك
حسين الجسمي

هذا هو شعري زكاة لك وأفكاري بناته
من كتبته فيك صارت أجمل ابياته تشيلك
محمد عبده

باقي لك وسط خافق كان حبّك به حياته
السلام وحشمة العشره وشعر ينتمي لك
راشد الماجد

وإلا أنا مقفي وعيب ع الذي يقفي إلتفاته
لو تصوت ما سمعت ولو سمعتك ما أجي لك
حسين الجسمي