جيت أسأل الليل لما طول غيابك
هلت دموع السحاب وبلت أحداقي
وأخذت كحل الظلام وجيت لأهدابك
أشوف هي حنة أغصانك على أوراقي

مليت وأنا أنتظر طاريك وعتابك
حتى غلا شارع الأشواق بأعماقي
يقول كل الجفى هذا من أسبابك
ما يدري إني بري من طعم خفاقي

وما يدري إنك قفلت من الزعل بابك
ورقصت نار الغلا في نوتة إحراقي
وعزمت حزن القصيد ونام بكتابك
وأخذت للبرد مني بشت مشراقي

والخيمة اللي بنت لي من على هضابك
عرضتها للهبوب ومزّع أرواقي
وعقدت لي حجاجك وكشرت لي نابك
وجردتني من غلاك وضاقت أخلاقي

جيت أتشفع بمعسولك وعنابك
وبغصنك اللي تركت القلب له ساقي
يكفي ترى ما تحمل طولة غيابك
يكفي زعل كان لك في خافقي باقي