هيد حبيبي هيد
يابو هداب تبيد
أنا أسير عيونك
وإنته لي قلب سيد

هونك على مظنونك
داره شرات عيونك
الملتزم ما يخونك
لي بالعهد متكيد

راعه وراعي شعوره
وخلك مديم بشوره
في غيبته وحضوره
كانك صحيح محيد

لا تستمع عذالك
لا يشغلونه بالك
ما همهم عن حالك
طبع العذول يزيد

ويا حبيبي يا روحي
ما في البعد مربوحي
لا لا تسبب نوحي
وإنته بفرح ومعيد

والله أحبك وايد
وأحلف برحمة زايد
البعد عنك كايد
سايد وأنا متسيد