الله يسامحك على كل ما جاني
القلب لعيونك الثنتين أعذر به

ولا طموحي في راسي وإسأل أمثالي
أكبر من اللي على شرواك أجاهر به

تذكرني أيام سعدي وتناساني
في الضيق والهم واللوعات والكربة

تدري وش الغربة إني داخل أوطاني
وأعيش مثل الغريب بديرة الغربة

لا تعتذر عذر ما يقنع علشاني
وإن كان به عذر تكفى لا تعذر به

لكن تذكر بأن ابن آدم ثاني
والكبر صاحبه له يوم يحاذر به

في الحب ساير تعيش الحب وحداني
وتحارب الناس عقلك ما تفكر به

الأول اللي يعاني مثل ما أعاني
واللي شعرت بلذيذ الشوق يشعر به

واللي خفوقي على شوفته كرباني
كل الدروب العفيفة تطمح لدربه

ليه أتحداك لا قمت تتحداني
وأنا مقامي على النجمات أفاخر به