لو يضيق الصدر وتخيب الظنون
ولو يخون الخل ويشيب الوله
ولو يعاف القلب ودموع العيون
فوق خد الشامخين محوله

مستحيل أصبح كما هم يحلمون
من يساوون الردى بالمرجلة
أنا فارس حاضره لو تكرهون
يفتخر به في سما مستقبله

ما يشيب الشوق يا دار الفتون
في فؤاد العاشق اللي يحمله
لو تخون الود مثلي ما يخون
أعتذر مني وعذرك بقبله

الشريف مكرمينه ما يهون
والكريم الله مشرف منزله
والرجل ما يشتكي كثر الطعون
لو بعضها من حبايبه وهله

السنين التالية فيها جنون
أرجعي لي يالسنين الأولى
ليت غير الكون هذا فيه كون
يمكن أهاجر لو أن كلي وله