تفرقنا السنين ونجتمع والجرح نفس الجرح
على درب الفراق دموعنا تسبق خطاوينا

شرحت ظرفنا للوقت لكن ما فهم للشرح
صبرنا والصبر جمرة ورا الأضلاع كاوينا

ترى وجه المتيم لو تبسم لا تحسبه مرح
أمانيه إتهاوى من عيونه مثل أمانينا
بنى من ذكرياته في محيط العاطفة كم صرح
لكن هاج المحيط وما لقى له ساحل ومينا

يا ناس العيد ما له لون ولا له طعم ولا له فرح
وإذا قلتوا وش الأسباب قلت الله يعافينا
نلوم الوقت والقصة ما تبغي جمع ولّا طرح
لأن العيب من ربّي خلقنا ساكنٍ فينا

تفرقنا السنين ونجتمع والجرح نفس الجرح
على درب الفراق دموعنا تسبق خطاوينا

شرحت ظرفنا للوقت لكن ما فهم للشرح
صبرنا والصبر جمرة ورا الأضلاع كاوينا