وجهك عذر يغنيك عن قولة آسف
غصب علي لا شفته أقول مسموح

مثل العوض عقب الندم والحسايف
ومثل الرضى عقب المشاريه والبوح

على سبيل الحب قبل المواقف
من قال لك قلبي تاذى ومجروح

معذور لو مالك عذر ما يخالف
تبقى نظر عيني وقطعة من الروح

ادخل وكف الدمع وش فيك خايف
قلبي قبل بابي لرجعتك مفتوح

أنا عقب طول الغيابات حالف
وش ما يجيني منك والله ما تروح

من رحت من عندي وأنا كنت عارف
إنك بترجع لي وابا أقول مسموح