نكابر كثر ما نكابر
ترى تفضح ملامحنا
شعورٍ همنا نخفيه
عذابه لا يشوفونه

نجمل هالحزن لكن
جروح الشوق تفضحنا
وكل اللي نبي نخفيه
بدوا فينا يحسونه

قرار فراقنا غلطه
وأبد ما هي فصالحنا
تسرعنا تعاندنا
وكل طاوع أظنونه

خطينا بحقنا لكن
عسى ربي يسامحنا
ظلمنا حالنا فعلاً
رضينا الصد وطعونه

حنين الشوق كل ليله
وكل ساعه يجرحنا
وكل من كبر حزنه
تراها ملت أمتونه

نكابر ليه بنكابر
إذا هالشوق فاضحنا
أنا حبك محال إني
أعيش الجاي من دونه