أزعل عليك ألفين مرة من غلاك
مليون مرة يوم تنكر غلطتك
قلي خطيت بدون ما دوّر وراك
مو حلوه ألقاها وتخرب صورتك

أزعل عليك وكنت أعدي من غلاك
يا كثر ما تغاضى وأساير خيبتك
لا تحسب إني غافل وماني معاك
صدقني أدري قبل تفعل فعلتك

أزعل عليك وحيل يهزمني هواك
يومك تناظرني وأحس بعبرتك
تقول لي آسف وأحسب الله هداك
ترجع وتعملها علي وش قصتك

أزعل عليك وذاك يزعل من هذاك
والكل يخطي وإنت شايف دنيتك
ما قلنا لا تخطي ولا قلنا ملاك
بس أعترف لي يوم تعمل عملتك