في مهب الريح شديت ونويتك
ما نشدت الريح ليه أستقصدتني
كل هالدنيا مواعيد ومشيتك
في طريق الذكريات اللي طوتني

كني المحتاج يوم إني نصيتك
داهمتني دمعتينك وأشغلتني
أستباحت سري العذب وطريتك
أوقدت ضوك في ليلي وأوقدتني

أبتدينك حب لكن ما أنتهيتك
الدروب وساع لكن ما خذتني
باقيٍ في البال لآخر يوم صيتك
لو ظروف الوقت عن وصلك حدتني

وين ما وجهت تفكيري لقيتك
دنيتي غير الوفا ما علمتني
ما خذلتك كل ما قلتي يا ليتك
جيت لك كن أمنياتك حققتني