استنطق الحب قلبي ثم حبيتك
يا راهي الحس والإحساس والغيرة
نظرت عيونك تناديني وناديتك
من يوم شفتك عطاك القلب تقديره

يحلى بشر في حناي الروح ضميتك
الحرف يذبل على وصفك وتصويره
من غيرتي كلما شفتك تناسيتك
ما بين قلبي وروحي جايلك ديرة

عجزت أصارع لهيب الشوق لطريتك
في العين صدق الغرام تشوف تعبيره
إن غبت يوم شهر في البال توقيتك
صار الشهر عام من يقبل معاذيره

خذني وأنا أقطف ورود الحب وأغليتك
وأناشد الورد وأنا عايش بحيره
يا هل ترى حبّي بقلبي سكن بيتك
أنا لعينك غديت من الهوى سيره

خذني على كيف ما تبغي وأنا جيتك
في عالم الحب وإنتا أحلى مقاديره
يعني بكل الكلام أقول حبيتك
عهدٍ على القلب لو طالت مشاويره