أنا أنا وأكتب من الشعر أصدقه
وأصدق مع اللي ما أصدقوا واللي أصدقوا
لان الوفا طبع وصلت لأعمقه
واللي يحبوني رغم كل شي بقوا

أنا بربعي وبهلي متعملقه
وأنا على هقواتهم كل ما هقوا
أزفر غلاهم حب وأرجع أشهقه
وغير الوفا والحب عندي مالقوا

أحب كل أهل القلوب الصادقه
معهم رقيت وهم مع طيبي رقوا
دنياي بأحبابي وربعي مشرقه
من وين ما تظلم على القلب أشرقوا

محظوظ قلبي بالوفا وأهل الثقه
اللي أصدقوا واللي بوفا حبّي أوثقوا
واللي راحل يا جعل ربّي يوفقه
يكفيني اللي بالوفا قربي بقوا