همس الوله وحكايتك ما تكفي
دام الهوى في مرايه العشق تذكار

لا تروح بي يمك ولا اجيك ابغفي
على وسايد الغلا واسمع اخبار

تعبت ترف العين ياللي بطرفي
دايم تبشر بغلاك بس ما صار

اجيك بشموع الغلا وانت تطفي
كل النجوم اللي على سحب الاعذار

ياللي في قلبي بان لك كل مخفي
وش عاد في المفضوح بتدور اسرار

اما تجي للحب وانت متحفي
والا فخلي العشق للي على نار

غنيت لك جرحك وشلته بدفي
على بحر خنجر غرامك والاقدار

عطني مراكب من جفا يمكن اجفي
ياللي تعلمني الغرق وانت الابحار